La società da musica Aurora exista daspö l'on 1928 e dombra hoz ruduond 25 commembras e commembers. Dasper ün concert d'Advent ed ün concert da prümavaira sunain nus pro divers evenimaints e pisserain pel imbellimaint.
Nus sunain illa quarta (minchatant eir terza) classa harmonia ed ans participain da temp in temp eir a festas districtualas, chantunalas e federalas da musica.
|
Est tü stat üna jada musicanta o musicant e vessast vöglia da far darcheu musica in cumpagnia? Lura es quist l’occasiun per entrar in nossa società! Nus tscherchain cumpognas e cumpogns sün tuot ils instrumaints.
Per ün instrumaint vegna pisserà. Nos di da prouva es il venderdi a las 20:00.
Scha tü hast interess, t’annunzcha per plaschair pro nos dirigent Romedi Conradin, mobil 076 498 55 29.
Daspö ons van las musicantas ed ils musicants da la Musica Aurora a sunar per anniversaris da giubilars. Fin da quà d’eira quai üsit pro 80, 90 e 100 ons. I dvainta però adüna plü difficil per gnir a savair las datas d’anniversari e schi vegn insoma giavüschà nossa visita.
Gugent pudais d’uossa invia annunzchar Vos agen anniversari obain quel d’ün/a confamigliar/a per telefon pro nos president Martin Bott, mobil 079 903 34 15, per sclerir la data e l’urari.
Nus vain plaschair scha nus pudain gnir speravia a sunar ün pêr tocs. Natüralmaing fain nus quai sco fin quà per nüglia. Nus ans allegrain però da mincha contribuziun in nossa chascha.
